Poma ngon ayah keulhéë ngon guréë
Ureuëng nyan ban lhéë beutapeumulia
Jampang meurumpok meu’ah talakéë
Akhirat teuntéë han keunong bala
Rôh masa cut-cut poma ayôn di
’Oh rayeuk bacut poma peulara
’Oh rayeuk gata poma bèk tadhôt
Meubèk tacarôt poma ka tuha
Ta’dém keu guréë geubri ijazah
Ta’dém keu nangbah geubri hareuta
Ta’dém keu nabi geubri syeupha’at
Ta’dém hazarat geubri syeuruga
No comments:
Post a Comment